Stetson

Hatturinn og Bourbonið:
Stetson hattar eru þekktustu „kúreka“hattar veraldar, en John B. Stetson stofnaði hattaverksmiðju árið 1865 og varð fyrirmynd allra annara kúrekahatta framleiðanda. Bourbonið sem við hjá Vífilfelli erum að flytja inn heitir einmitt John B. Stetson og er nefnt í höfuðuð á hattaframleiðandanum.
 
Stetson Bourbon:
Stetson Bourbonið er Sour Mash Straight Bourbon og er ekki aldursmerkt  sem þýðir að kornblandan inniheldur eldri kornblöndur, það hefur legið á fati í að lágmarki 4 ár og hefur ekki verið blandað með litarefnum, bragðefnum né öðrum spíra.

Fonseca Portvín

Fonseca Guimaraens eða Fonseca eins og það er kallað var stofnað árið 1822 þegar að Manoel Pedro Guimaraens keypti Fonseca, Monteiro & Co. og breytti nafninu á fyrirtækinu í Fonseca Guimaraens.  Manoel flúði til Bretlandseyja í tómri Portvínstunnu þegar að borgarastyrjöld braust út í Portúgal 1828, hann settist að á Englandi og hafði fyrirtækið höfuðstöðvar sínar þar í landi til 1927.
Með því óx fyrirtækið hratt og varð fljótt einn virtasti Portvínsframleiðandi veraldar.
Fonseca hefur verið rekið af fjölskyldunni frá stofnun, og er nú í höndum David Guimaraens, sem er 6 kynslóð Guimaraens sem rekur Fonseca.

MEST SELDI JÓLABJÓRINN ER KOMINN

Fólk bíður í ofvæni eftir að jólabjórinn komi í verslanir og fyrir mörgum er jólabjórinn orðinn órjúfanlegur partur af jólahátíðinni.  Það er við hæfi að mest seldi jólabjórinn sé íslenskur og undanfarin ár hefur Víking Jólabjórinn verið mest seldi jólabjórinn. Víking Jólabjórinn selst vanalega upp á landinu þrátt fyrir miklar ráðstafanir til að tryggja nægjanlegt magn fyrir alla.  „Ég geri ráð fyrir smá aukningu og svo verð ég tilbúinn með lögun ef á þarf að halda í byrjun desember sem vonandi dugar fram að jólum. Það er mjög erfitt að spá fyrir um söluna þegar samdráttur er í sölu hjá Vínbúðunum en jólabjórinn virðist ekki fylgja þeim formerkjum.“ Sagði Baldur Kárason bruggmeistari Víking Jólabjórsins.

Bruggun Víking jólabjórs tekur lengri tíma en þegar um venjulegan lagerbjór er að ræða.  Þykir við hæfi að nostra sérstaklega við þennan hátíðabjór sem aðeins er seldur í stuttan tíma.  Karamellumalt er notað í jólabjórinn, sem gefur honum dekkri lit og keim af brenndum sykri, kaffi og karamellu.  Þá er það einnig afar sérstakt við framleiðslu jólabjórsins að hann er látinn eftirgerjast við lágt hitastig þegar aðalgerjuninni er lokið. Þessi vinnsluaðferð gefur jólabjórnum þétt og mjúkt bragð, mikla fyllingu og góða froðu. Hann hentar vel með mat og því tilvalinn í veisluna og á hlaðborðið.

Bjórinn kemur í 33cl flöskum , 33cl og 50cl dósum og kútum fyrir veitingastaði.